UVCCM waitana kwa wingi uchaguzi 2024
Mwenyekiti wa jumuiya ya umoja wa vijana Mkoa wa Iringa Agrey Tonga akizungumza na wanachama wa jumuiya hiyo katika majimbo matatu Mafinga Mjini, Mufindi kaskazini pamoja na Mufindi kusini. Picha na Mary Sanyiwa
Muktasari:
- UVCCM wawataka wananchama wao wenye sifa, uwezo, na nidhamu, kuacha woga na hivyo kugombea nafasi za uongozi katika uchaguzi wa serikali za mitaa ifikapo 2024, badala ya kuwaachia wazee.
Mufindi. Umoja wa Vijana wa Chama Cha Mapinduzi (UVCCM) Wilaya ya Mufindi, mkoani Iringa, wametakiwa kujitokeza kwa wingi kugombea nafasi za uongozi katika uchaguzi wa Serikali za Mitaa ifikapo 2024.
Aitha, vijana hao wametakiwa kutoogopa vitisho vyovyote juu ya nafasi hizo kwani kijana yeyote wenye sifa, uwezo na nidhamu, anafaa kuwa kiongozi.
Hayo yamebainishwa na leo Jumatano may 3,2023 na Mwenyekiti wa uvccm Mkoa wa Iringa Agrey Tonga, wakati wa ziara ya Kamati ya Utekelezaji ya Mkoa, ilipotembea na kuzungumza na vijana wa jumuiya hiyo, katika majimbo matatu ya Mafinga Mjini, Mufindi kaskazini pamoja na Mufindi kusini.
Aidha Mwenyekiti huyo amesema kuwa haiwezekana kuendelea kuongozwa na wazee ambao kimsingi hawawezi kutembea, wakati vijana wenye uwezo, nidhamu na sifa za kushika nyadhifa hizo wapo, lakini kwa hofu; wamewaachia wazee kuongoza.
"Tunaka vijana ndio washike nafasi hizi huku wazee wakiwa wanatuangalia ili tukikosea waweze kuturekebisha kwa sababu hatuwezi kuwaachia wazee ndio watuongeze hadi wanazeeka wakati vijana wenye nidhamu na uwezo wapo. Hivyo nawasisite vijana wenzangu tujitokeze kuombea nafasi hizi ifikapo 2024." Amesema Tonga
Naye katibu wa jumuiya hiyo kata ya Upendo Octavian Mtewa amesema wao kama viongozi wamepokea maagizo hayo kwa sababu walikuwa wanadhani nafasi hizo za uongozi wa Serikali za Mitaa wazee ndio wanapaswa kugombea pekee.
"Tunashukuru Mwenyekiti wetu wa Mkoa Agrey Tonga kwa elimu ambayo ametupatia, hakika hatutamwangusha hivyo uchaguzi wa Serikali za Mitaa 2024 ategemee vijana tutajitokeza kwa wingi kufika kugombea nafasi hiyo." Amesema Mtewa
Kwa upande wake mwenezi wa Wilaya ya Mufindi Dickson Mtevele maarufu villa, amesema jumuiya ya vijana ndio ambao wanategemewa kutoa dira na taswira ya uimara wa Chama cha mapinduzi ( CCM) Wilaya hapa.
"Kwa sasa taifa letu chini ya Mwenyekiti wetu Rais wa Jamhuri ya Muungano wa Tanzania Samia Suluhu Hassan ameruhusu Mikutano ya hadhara, hivyo kama vijana wa Chama msione kan kwamba hatua hii haina nia njema, badala yake tuitumie kama fursa kueleza mafanikio ambayo Chama na jumuiya wameyafikia." Amesema Mtevele.
