Waziri Mkuu apokea ripoti ya moto Soko la Kariakoo

Dar es Salaam. Waziri Mkuu, Kassim Majaliwa amepokea taarifa ya Kamati ya Uchunguzi wa tukio la moto uliotokea katika soko la kimataifa la Kariakoo Julai 10, 2021 jijini Dar es salaam.

SOMA: Majaliwa atoa siku saba kuchunguza chanzo cha moto K’koo

Majaliwa amepokea taarifa hiyo leo Jumanne Julai 27, 2021 kutoka kwa Mwenyekiti wa Kamati hayo, CP Liberatus Sabas na kuahidi kuwa Serikali itayafanyia kazi mapendekezo yote yaliyotolkewa na kamati hiyo.

SOMA: Majaliwa aongeza siku saba uchunguzi moto Soko la Kariakoo

Akizungumza baada ya kuipokea taarifa hiyo kwenye Makazi ya Waziri Mkuu, Oysterbay jijini Dar es Salaam, Majaliwa amewashukuru na amewapongeza wajumbe wa kamati hiyo kwa kazi nzuri iliyofanyika kwa weledi mkubwa.

Soma: Rais Samia aagiza uchunguzi kuungua Soko la Kariakoo

Majaliwa amesema ataifikisha taarifa hiyo kwa Rais wa Tanzania, Samia Suluhu Hassan kwani tukio hilo limewagusa watu ndani na nje ya nchi.

“Naahidi mbele yako mwenyekiti kuwa Serikali nimeridhishwa na taarifa mliyo nikabidhi leo na mapendekezo yote mliyoyatoa yatazingatiwa.

SOMA: Janga la moto Kariakoo lafichua mambo mazito

Jumapili Julai 11, 2021 Majaliwa alipotembelea na kukagua hatua zinazoendelea kuchukuliwa kudhibiti moto katika soko la kimataifa la Kariakoo alitangaza kamati ambayo ilipewa kazi ya kuchunguza tukio hilo ili kubaini chanzo cha moto huo.

SOMA: Moto wenye utata

Julai 21, 2021 Majaliwa aliongeza siku saba kwa kamati aliyoiunda kuchunguza kuungua kwa soko la Kariakoo hadi Julai 25, mwaka huu.