Taasisi za umma zaongoza kupaki magari

Dar es Salaam. Shirika la Mawasiliano Tanzania (TTCL) ni miongoni mwa taasisi tano za umma zinazoongoza kwa magari yake kupaki, huku baadhi ya magari yaliyoegeshwa na taasisi hizo hakuna mpango wa kuyafanyia matengenezo au kuyatupa.

TTCL magari imeegesha magari 86, taasisi zingine Wizara ya Fedha na Mipango 51, Mamlaka ya Vitambulisho vya Taifa (Nida) 44, Mambo ya Nje 39 na Wakala ya Barabara Tanzania (Tanroads) 37.

Kwa mujibu wa ripoti iliyotolewa na Mkaguzi Mkuu wa Hesabu za Serikali (CAG), imesema jumla ya magari 547 yalipatikana kwa Wakala wa Ufundi na Umeme Tanzania (Temesa) kati ya taasisi za serikali zilizotembelewa wakati wa ukaguzi.

 “Ukaguzi ulibaini kuwa asilimia 43 ya magari yalikuwa Temesa kwa zaidi ya miaka mitatu (3) kwa sababu mbalimbali kama vile ajali, matengenezo, maegesho na kusubiri vibali vya utupaji,”ameeleza ripoti hiyo.

Imesema katika mapitio ya taarifa 500 za uthamini kutoka Wizara ya Ujenzi na Uchukuzi (MoWT) walibaini gharama zilizotumika katika uthamini wa magari hayo walizingatia thamani ya (Customs Value CIF) pekee huku wakipuuza gharama nyingine kama vile kodi ya ushuru wa bidhaa kutoka nje ya nchi.

Kwa kupitia ya maombi ya mwaka 2016/17 hadi 2021/22  ukaguzi huo walibaini utupaji wa magari kwa taasisi mbalimbali, ilichukua kati ya siku 57 na 2,226 kwa Wizara ya Fedha kufanya maamuzi ya ovyo.

Pia ilibainika kuwa, hadi kufikia Julai 30, 2022, ni mapendekezo 548 tu kati ya 2,554 (sawa na asilimia 21) yaliyokuwa yameshughulikiwa, wakati 2006 kati ya maombi 2,554 (79%) yalikuwa yakisubiri kupitishwa.

“Ukaguzi wetu tulibaini kuwa ucheleweshaji wa maamuzi ya ovyo ulitokea kutokana na kuchelewa kuwasilishwa kwa taarifa za hukumu, kutokuwa na muda maalum wa kutumikia hukumu,” amesema.

Taarifa zilizokaguliwa kutoka Mwaka wa Fedha 2015/16 hadi 2020/21 zilionyesha kuongezeka kwa mwenendo wa ununuzi wa mali, mitambo na vifaa (PPEs) kwa miaka mitano kutoka Sh40.7 trilioni ikiwa ni ahadi ya Serikali kwa matumizi ya maendeleo.

“Kuongezeka kwa matumizi kunaashiria kuwa kumekuwa na uingizwaji wa magari ya zamani, mitambo na mitambo,” ilieleza.