Kipa Singida, Yanga aitwa Nigeria
Muktasari:
- Nigeria inashika nafasi ya tano katika kundi C la kuwania kufuzu fainali za Kombe la Dunia ikiwa na pointi tatu ilizokusanya katika mechi nne.
Kipa wa Yanga, anayedakia Singida Black Stars kwa mkopo, Amas Obasogie ni miongoni mwa wachezaji walioitwa katika kikosi cha awali cha Nigeria kujiandaa na mechi mbili za kuwania kufuzu fainali za Kombe la Dunia 2026 baadaye mwezi huu.
Mechi hizo ni dhidi ya Rwanda ambayo itachezwa Kigali, Rwanda, Machi 19, 2025 na dhidi ya Zimbabwe itakayochezwa Machi 22 mwaka huu huko Uyo, Nigeria.
Ni kikosi ambacho kocha mpya wa timu hiyo Eric Chelle amejaza idadi kubwa ya wachezaji wanaocheza soka la kulipwa nje ya Nigeria na Amas ni mmojawapo.
Baada ya kukosekana kwa muda mrefu kikosini, nahodha Ahmed Musa amerejeshwa na kocha Chelle kufuatia kiwango bora alichokionyesha akiwa na Kano Pillars inayoshiriki Ligi Kuu ya Nigeria.
Kikosi hicho kitakuwa na nyota wawili wa ushambuliaji wanaotamba duniani kwa sasa, Ademola Lookman wa Atalanta ya Italia yumo kikosini na Victor Osimhen wa Galatasaray ya Uturuki.
Ni wachezaji sita tu wanaocheza ndani ya bara la Afrika ambao wameitwa kikosini ambao ni Stanley Nwabari, Abbas Mustapha, Obasogie, Kayode Bankole, Ifeanyi Onyebuchi na Musa.
Wachezaji 39 wanaounda kikosi cha awali cha mchujo cha Nigeria ni makipa Stanley Nwabali (Chippa United), Maduka Okoye (Udinese), Amas Obasogie (Singida Blackstars) Adeleye Adebayo (Enosis Paralimni) na Kayode Bankole (Remo Stars)
Mabeki na William Ekong (Al-Kholood FC), Bright Osayi-Samuel (Fenerbahce), Bruno Onyemaechi (Olympiacos), Gabriel Osho (AJ Auxerre), Calvin Bassey (Fulham), Olaoluwa Aina (Nottingham Forest), Zaidu Sanusi (FC Porto), Igoh Ogbu (SK Slavia Prague), Jordan Torunarigha (Gent FC) na Ifeanyi Onyebuchi (Rangers International)
Katika kiungo kuna Wilfred Ndidi (Leicester City), Raphael Onyedika (Club Brugge), Alhassan Yusuf Abdullahi (New England Revolution), Fisayo Dele-Bashiru (Lazio FC), Frank Onyeka (Augsburg), Alex Iwobi (Fulham), Joseph Ayodele-Aribo (Southampton), Anthony Dennis (Goztepe), Chrisantus Uche (Getafe CF) na Papa Daniel Mustapha (Niger Tornadoes)
Washambuliaji ni Samuel Chukwueze (AC Milan), Victor Osimhen (Galatasaray FC), Ademola Lookman (Atalanta FC), Kelechi Iheanacho (Middlesbrough), Victor Boniface (Bayer Leverkusen), Simon Moses (FC Nantes), Sadiq Umar (Valencia FC), Nathan Tella (Bayer Leverkusen), Cyriel Dessers (Glasgow Rangers), Tolu Arokodare (KRC Genk), Chidera Ejuke (Sevilla), Paul Onuachu (Southampton), Ahmed Musa (Kano Pillars)na Jerome Akor Adams (Sevilla).
