Mke wa Sabaya amaliza kutoa ushahidi kesi ikiahirishwa kwa muda

Arusha. Mke wa aliyekuwa Mkuu wa Wilaya ya Hai, Lengai Ole Sabaya, Jesca Thomas amemaliza kutoa ushahidi leo Januari 18, 2022 baada ya kumaliza kuulizwa maswali ya dodoso na jopo la Mawakili watano wa Jamhuri.

Jesca ambaye ni shahidi wa pili wa utetezi katika kesi ya uhujumu uchumi namba 27/2021 inayomkabili Sabaya na wenzake sita alianza kutoa ushahidi jana katika kesi ambayo inaendelea kusikilizwa katika Mahakama ya Hakimu Mkazi Arusha kwa upande wa washitakiwa kujitetea.

SOMA: Mke wa Sabaya atoa ushahidi

Baada ya shahidi kumaliza ushahidi wake Wakili wa utetezi Mosses Mahuna aliielza mahakama kuwa shahidi anayefuata ni mtuhimiwa wa kwanza katika kesi hiyo, Sabaya ambaye anaanza kujitetea.

Hakimu Patricia Kisinda anasema anaahirisha kesi kwa dakika tano kisha mahakama kurejea.

Jana Jumatatu akiongozwa na Wakili Mosses Mahuna anayemtetea Sabaya, Jesca alijitambulisha mahakamani hapo kuwa ni mke wa mshitakiwa huyo na walifunga ndoa mwaka 2018.

Hata hivyo jana Wakili wa Serikali Mwandamizi, Ofmed Mtenga hakumaliza kumhoji shahidi ambapo kesi iliahirishwa mpaka leo ambapo mahojiano yaliendelea.

Hapa ni sehemu ya muendelezo wa maswali ya dodosoa ya Wakili Ofmed Mtenga na shahidi;

Wakili: Unaelewa maana ya kuapa mhkmn kabla ya kutoa ushahidi

Shahidi: Naelewa

Wakili: Unaelewa ukisema uongo mahakamani unaweza ukafunguliwa kesi ukafungwa miaka 5

Shahidi: Naelewa

Wakili: Hebu tutajie ile namba ambayo ulisema ulikuwa unatumia 22.1.2021

Shahidi: 0758 707171

Wakili: Wewe hujawahi kuisajili hii namba

Shahidi: Ndio

Wakili: Lengai Ole Sabaya ndiye aliyesajili

Shahidi: Ndio

Wakili: Na pia tutajie namba ya gari ile ambayo ulisema unaendaha ile VX masai

Shahidi: T 341 ANT

Wakili: Na ulisema hii gari ulinunua baada ya kuanza kuiahi na Sabaya

Shahidi: Ndio

Wakili: Mlinunua Sh ngapi?

Shahidi: Ilinunuliwa zaidi ya mil 15 lakini haikufika Milioni 20

Wakili: Hukumbuki kwa sababu hukununua wewe si ndio?

Shahidi: Tumenunua kwa pamoja

Wakili: Inakuwaje unasahau bei uliyonunua?

Shahidi: Umepita muda mrefu ndo maana

Wakili: Ulinunua kwa nani ile gari?

Shahidi:Ilikuwa kampuni ya ujenzi

Wakili:Inaitwaje

Shahidi:Sikumbuki lakini ilikuwa kampuni ya ujenzi

 Wakili:Mliuziana sehemu gani?

Shahidi:Arusha

Wakili:Arusha sehemu gani Arusha ni kubwa?

Shahidi:Tulikutana kwa Wakili

Wakili:Wakilk gani?

Shahidi:Panaitwa Haraka Law

Wakili:Mwanasheria aliyesaini kwenye hiyo Haraka law alikuwa nani?

Shahidi:Simkumbuki jina

Wakili:Wewe simu unayotumia ni namba ngapi ua kwako nyingine zaidi ya ile nyingine

Shahidi:0754 552520

Wakili:Hii namba uliyotaja ilisajiliwa kwa jina lako wewe?

Shahidi:Mwanzoni ilikuwa imesajiliwa kwa jina langu ila ilipokuja sheria ya kusajili kwa namba ya Nida alinisajilia Lengai  kwani sikuwa na namba ya Nida

Wakili:Kwa hiyo kule anasomeka nani?

Shahidi:Itasomeka Lengai

 Wakili:Wewe hauna mkopo wowote benki

Shahidi:Ndiyo

Wakili:Sabaya pia hana mkopo

Shahidi:Sifahamu hilo

Wakili:Hufahamu mambo ya mume wako?

Shahidi:Huwezi ukayajua yote

Wakili:Katika kipindi mmeishi umewahi kuona amekopa?

Shahidi:sijui na kusikia sijawahi

Wakili:Unaijua namba ya gari ya serikali aliyokuwa anatumia?

Shahidi:Mi najua ni STK sijawahi ku focus kujua namba

Wakili:Unakubaliana na mimi Sabaya ni mtu maarufu sana

Shahidi:Ndiyo

Wakili:Ni kweli kwamba 22.1.2021 mume wako alivyoondoka asubuhi haujui ni kitu gani alichokifanya huko alipokuwa

Shahidi:Mi najua alienda ofisini

Wakili:Ulikuwa naye ofisini

Shahidi:Sikuwa naye

Akihojiwa na Wakili wa Serikali Mwandamizi, Tarsila Gervas sehemu ya mahojiano ilikuwa kama ifuatavyo:

Wakili: Jesca kama binti unajua haki zako ni zipi kama mwanamke,mke unazifahamu?

Shahidi:Ndiyo

Wakili:Ni kweli wewe kama mtoto wa kike unayo haki ya kumiliki mali?

Shahidi:Ndiyo

Wakili:Ni ukweli kwamba haki hiyo ni pamoja na mali hizo kuwa kwenye jina lako?

Shahidi:Ndiyo

Wakili:Na ni ukwlei kwamba kati ya mali zote mnamiliki na Sabaya hakuna uliyosema mnamiliki pamoja?

Shahidi:Siyo zote.VX  Masai namba T 341 ANT ina jina langu

Wakili:Na Jesca turudi kwEneye hii gari,hii kampuni ya ujenzi iko wapi?

Shahidi:Iko Arusha

Wakili: Na jina la Jesca kwenye hii gari bila shaka TRA ndivyo lilivyo

Shahidi:Ndiyo

Wakili:TRA linasomeka kama nani?

Shahidi: Jesca Thomas

Wakili:Wewe ni wa wapi

Shahidi:Adress yangu ni 61 Usariver

Wakili:Na huu umiliki ulibadilisha lini toka kampuni hii ya ujenzi kuja kwako

Shahidi:Nilibadilisha tu baada ya kununua,2019 mwanzoni

Wakili:Hii 2019 ulikuwa ukiishi wapi?

Shahidi:Bomang'ombe

Wakili:Jana ulisema hufahamu kuhusu minara ya simu?

Shahidi:Ndiyo sifahamu

Wakili:Na bila shaka wakati unaongea na ile namba 0758 707171 ulikuwa unaendesha gari si ndiyo?

Shahidi:Ndiyo

Wakili:Na bila shaka ile siku kulingana na ushahidi wako wa jana uliongea na watu wawili au watatu?

Shahidi:Niliongea na watu wengi

Wakili:Na uliandika meseji ngapi kutumia ile simu?

Shahidi:Sikumbuki ni ngapi

Wakili:Na hii simu uliita ya biashara imesajiliwa kama ya biashara na siyo mtu binafsi

Shahidi:Tulisajili kama mtu binafsi

Wakili: Hii simu ilisajiliwa lini?

Shahidi: 2018 mwishoni

Wakili:Na ni vitu gani vilitumika kusajili

Shahidi:Aliyesajili ni Lengai 

Wakili:Hukujua ametumia nini kusajili si ndiyo?

Shahidi:Eeeh

Wakili:Na ni ukweli appartment mliyokamatwa ina stairs kwa juu?

Shahidi:Ilikuwa hotelini ghorofa ila siyo apartment

Wakili:Na ilikuwa Mbezi si ndiyo?

Shahidi:Ndiyo

 Wakili:Unafahamu watu wangapi wanaofanya kazi na mume wako

Shahidi: Namfahamu aliyekuwa DAS wake na Mkurugenzi,dereva na mdada alikuwa DMO ndiyo watu walikuwa wanakuja nyumbani

Wakili:Ndugu yako anaishi kwa Morombo anaitwa nani?

Shahidi:Morombo sina ndugu

Wakili: Kwa kuwa kwa mila zao huruhusiwi kuingilia masuala hayo ya kuuza mifugo au namna mume wako anapata hela  hela inayokuja hujui imetokana na nini?

Shahidi:Siyo kweli hela inayokuja najua imetokana na kuuza mifugo

Wakili:Akienda kupora

Shahidi:Hajawahi kwenda kupora

Wakili:Turudi kweye mifugo na hujihusishi kwenye mifugo akikuaga anaenda kuuza mifugo na hajauza si kweli huwezi kujua?

Shahidi:Mara nyingi tunafatana

Wakili:Ushuru wa mifugo ile mliyouza Milioni 20,mlilipa kiasi gani?

Shahidi:Inategemea na idadi na bei za ushuru ni kuanzia 1000 hadi 5000 inategemea na mnada ni upi ila sijui kwa sababu mimi sikwenda mnadani

Wakili:Fomu ya maadil ya mume wako ulikaa nayo muda gani kabla ya kupeleka Takukuru kama ulivyosema jana?

Shahidi:Ilijazwa 12/2020.Alikuja nayo ilikuwa ndani

Wakili:Inafananaje hiyo fomu

Shahidi:Ni fomu tu

Wakili:Wewe ulifahamuje ni fomu ya maadili?

Shahidi:Niliambiwa tafuta documebt zote leta ya fomu ya maadili

Wakili:Sasa baada ya kuitafuta umeipata katika kuiangalia inafananaje?

Shahidi:Mimi sikuikagua.Niliambiwa kuna kopi imeandikwa fomu ya maadili

Wakili: Uliyotoa PCCB ni kopi ama origional

Shahidi:Mimi sijui kopi wala origional

Wakili:Labda utukumbushe uliwapa PCCB vitu gani vingine?

Shahidi:Gari VX T 341 ANT,file ya gari namba T 222 BDY ilikuwa na jina la Lengai ndani kulikuwa na mkataba wa mauziano na kadi

Wakili:Hiyo kadi mlipata lini toka TRA?

Shahidi:Sikumbuki

Wakili:Mlinunua lini hilo gari?

Shahidi:Ilikuwa 2020

Wakili:Kingine mlichotoa

Shahidi:Fedha

Wakili:Kiasi gani

Shahidi:Ilikuwa siyo chini ya Milioni 10

Wakili:Mlitoa wapi hizo fedha?

Shahidi: Zilitolewa kwenye akaunti ya biashara 

Wakili:Iko benki gani?

Shahidi: CRDB

Wakili:Mlizitoa lini

Shahidi:Sikumbuki lakini tulizitoa tukiwa Dar

Wakili:Kingine?

Shahidi:Simu

Wakili:Ilikuwa simu gani?

Shahidi:Samsung moja ilikuwa Iphone

Wakili:Laini zilizokuwa kwenye hizo simu tuanze na Samsung?

Shahidi: 0758 707171

Wakili: Iphone?

Shahidi: 0754 552520

Wakili:Hii Iphone yenye namba 0754 552520 na wewe ndiyo unatumia?

Shahidi:Ndiyo

Wakili:Unajua majukumu ya mume wako aliyokuwa akiyafanya ya kazi?

Shahidi: Mi najua ni Mkuu wa Wilaya

Wakili:Alikuwa anatakiwa ahakikishe sheria zinafuatwa na yeye pia asivunje aheria na aliapa kufanya hivyo,

Shahidi: Ndio

Wakili:Upendo Wilfred Mbise ni nani?

Shahidi: Simfahamu

Wakili: Jesca Thomas Nassari ni nani

Shahidi: Mimi

Hakimu umesema nani?

Wakili: Upendo Wilfred Mbise mtoto wa mjomba wako hamfahamu

Wakili: Ni kweli Sylvester hujawahi kumuona katika maisha yako?

Shahidi: Simfahamu

Wakili: Kuna mtu ambaye mlikamatwa naye Dar na mlikuwa chumbani yeye alikuw sebuleni humfahamu?

Shahidi: Hapana

Wakili: Unampenda sana mume wako si ndiyo?

Shahidi: Ndiyo

Wakili: Kwanini uliwaambia Takukuru Arusha 4/6/2021 Sabaya ni mchumba wako siyo mume wako?

Shahidi: Niliwahi kuhojiwa mara moja kuhusu Sabaya na ni Dar na nilisema ni mume wangu

Wakili: Hata ulivyokabidhi ulikabidhi kama mchumba na siyo mke na ulikabidhi sakina si ndiyo

Shahidi: Hapana

Wakili: Ninkweli Dar mlikabidhi simu na fedha mbali na gari?

Shahidi: Kila mtu alikuwa anakabidhi za kwake

Wakili: Ulikabidhi simu gani Dar Es Salaam?

Shahidi: Samsung na Iphone

Wakili: Ni kweli kwamba utafanya chochote ili mume wako awe huru

Shahidi: Ambacho hakivunji sheria

Wakili:Wakati mwenzangua nauliza ulisema unaelwqa maana ya kusema uongo mahakamani si ndiyo

Shahidi: Ndio

Wakili: Kuan mchunganmji ulimtaja alifunga ndia yenu ni nani?

Shahidi: Anaitwa Dk Lekundayo

Wakili: Ni wa wapi?

Shahidi: Ni mchungaji na Askofu Arusha Central Churu

Wakili: Tangazo la kwanza la ndoa yenu lilikuwa tarehe ngapi?

Shahidi: Sikumbuki

Wakili: lilitangaza mara ngapi?

Shahidi: Mara tatu

Wakili:Kati yako na mume wako nani muumini wa hilo kanisa?

Shahidi: Yeye na mimi baada ya kufunga ndoa

Wakili: Kabla ya hapo ulikuwa muumini wa kanisa gani?

Shahidi: Lutheran huko Meru

Wakili: Yale maghala yako yako wapi?

Shahidi: Kisongo, Morombo na Tengeru

Wakili: Unanunua wapi hayo mazao?

Shahidi: Nanunua mashambani Loksale, nalima na nanunua Loksale

Wakili: Lengai mara ya kwanza umemuona wapi?

Shahidi: Arusha

Wakili: Mwaka gani?

Shahidi: 2016

Wakili: Udom ulimaliza mwaka gani?

Shahidi: 2016

Wakili wa Serikali Neema Mbwana naye anaanza kumhoji shahidi

Wakili: Shahidi umesema unaishi wapi?

Shahidi: Kwa sasa naishi Sakina

Wakili: Unaishi na nani?

Shahidi: Naishi mwenyewe

Wakili: Huyo mumeo yuko wapi kwa sasa?

Shahidi: Magereza

Wakili: Si mumeo Magereza anafanya nini

Shahidi: Mhehsimiwa nisingependa kujibu hilo swali

Wakili: Nauliza mumeo yuko wapi kwa sasa?

Shahidi: Nikasema magereza

Wakili: Kwanini anaishi Magereza ni mfungwa au mahabusu?

Shahidi: Kama mahabusu kwenye hii kesi

Wakili: Shahidi umesema wewe ni mjasiriamali toka lini?

Shahidi: Toka 2018

Wakili: Imeleta kitu gani umeleta hapa mahakamani kuthibitisha wewe ni mfanyabiasha wa maharage na mahindi?

Shahidi: Sijaleta ikihitajika naleta

Wakili: Shahidi umeshasema uongo mara ngapi hapa mahakamani?

Shahidi: Sijasema uongo

Wakili: Kumbukumbu za biashara yako unaweka wapi?

Shahidi: Inayohitajika nyumbani inakaa nyumbani,inayokaa stoo inakaa stoo

Wakili: Umeleta hapa mahakamani?

Shahidi: Nimesema sijaleta zikihitajika nitaleta

Wakili: Malula unamiliki kiasi gani cha ardhi?

Shahidi: Malula shamba ni kubwa sihawaji kupima

Wakili: Tanga?

Shahidi: eka 11

Wakili: Tanga hizi eka 11 mlinunua kiasi gani?

Shahidi: Na lenyewe nimelikuta

Wakili: Fedha zilizokuwa zinatokana na mauzo ya mifugo zilikuwa zinawekwa wapi?

Shahidi: Nyingine zinawekwa benki CRDB, zingine zinafanyia mambo mengine

Wakili: Hiyo akaunti ni ya biashara au binafsi?

Shahidi:I lifunguliwa kama joint akaunti

 Wakili: Mlifungua tawi gani?

Shahidi: Friends Corner

Sasa Wakili wa Serikali Mwandamizi, Janeth Sekulesehemu ya anamhoji kama shahidi ifuatavyo

Wakili: Umeieleza mahakama kwa nyakati tofauti umekuwa ukiambatana na mume wako akienda kuuza mifugo?

Shahidi: Ndio

Wakili: Kutokana na mila ni sahihi ulikiwa huruhusiwi kujua idadi ya mifugo iliyopo na inayouzwa?

Shahidi: Ni sahihi

Wakili: Ni sahihi ukiwa kama mke halali wa Sabaya hukuwahi kujua mume wako ana mkopo kama ulivyoeleza mahakama?

Shahidi: Ndio

Wakili: Na wala hukujua nyaraka alizotumia Sabaya laini zile mbili ulizokuwa ukitumia kwa biashara na binafsi?

Shahidi: Sikujua

Wakili: Hujui idadi ya kifuhi, hujui iwapo ana mkopo au hana nitakuwa sahihi nikisema wewe kama mke hukujua kila kitu anachokifanya mume wako akiwa mbali na wewe au akiwa anafanya shughuli nyingine?

Shahidi: Nilijua alivyonishirikisha

Wakili: Kwa maana hiyo hata 22.1.2021 ambayo ulidai ulikuwa Arusba huwezi kujua kama yeye na genge lake walikuja Arusha

Shahidi: Nilimwacha Boma

Wakili: Ndoa mlifunga lini

Shahidi: 27.5.2018

Wakili: Ulibatizwa lini?

Shahidi: Nilibatizwa kabla ya ndoa

Wakili: Ulibatizwa sehemu gani

Shahidi: Ikizu, Musoma

Wakili: Umedai hapa leo wewe umebatizwa Ikizu Musoma, mara ya kwanza ulivyoulizwa swali na Tarsila ulisema ulianza kuabudu Sabato baada ya kufunga ndoa

Shahidi: Ndio

Wakili: Ni sahihi ulisema kabla ya ndoa ulianza kuabudu Lutheran kule Meru

Shahidi: Ndiyo

Wakili: Umesema ulibatizwa Ikizu huko ulibatizwa kwa imani ipi?

Shahidi: Nilibatizwa kuingia Sabato

Wakili: Kwanini ulichagua kwenda Ikizu wakati ulisema unakaa Meru?

Shahidi: Sikuamua mimi mwenyewe tulijadiliana na ni sehemu Lengai alibatizwa

Wakili: Jesca nitakuwa sahihi nikisema tangu umeoana na Lengai hujawahi kuwa na maamuzi yako peke yako?

Shahidi: Kitu kama kinanihusu mimi ninayo,kama kinahusu familia tunajadiliana

Wakili: Nitakuwa sahihi nikisema hata wewe kuja kutoa ushahidi hasa kusema Januari 22, 2021 simu ulikuwa nayo wewe ni maelekezo uliyopewa kuja kutoa mbele ya mahakama hii

Shahidi: Ilikuwa maamuzi yangu sijaelekezwa

Baada ya shahidi kumaliza kutoa ushahidi wake Wakili wa utetezi Mosses Mahuna aliielza mahakama kuwa shahidi anayefuata ni mtuhimiwa wa kwanza katika kesi hiyo, Sabaya ambaye anaanza kujitetea.

Hakimu Patricia Kisinda anasema anaahirisha kesi kwa dakika tano kisha mahakama kurejea, kesi imeahirishwa saa 12:35 mchana.